काठमाडौँ । नेपाल राष्ट्र बैंकले बिलासिताको वस्तु भन्दै गाडीलाई लक्षित गरेर आयातमा कडाइ गर्ने रणनीति लिएपछि अटो मोबाइल एशोसिएशन (नाडा) छलफलमा जुटेको छ ।
नाडाका अध्यक्ष ध्रुव थापाका अनुसार विदेशी सञ्चिती घट्दै गएको भन्दै राष्ट्र बैंकले गाडी आयात रोक्ने विषय उठाएसँगै नाडाले पनि कसरी अगाडि बढ्ने भन्ने विषयमा छलफल गरेको हो । तर, गाडी आयात रोक्ने विषयमा आधिकारिक लिखित पत्र नआएको र बैंकहरूमा पनि कस्तो वस्तु आयात गर्न नपाउने हो भन्ने अन्यौलता भएकाले अहिले नै कुनै निर्णय भने नलिएको उनले जानकारी दिए ।
आयात रोकिएमा गाडीको मूल्य अत्यधिक बढ्ने र मुलुकको अर्थतन्त्रमा पनि असर पर्ने उनको भनाई छ ।
