काठमाडौँ । नेपाली बजारमा आज सुनचाँदीको मूल्यमा सामान्य वृद्धि भएको छ ।
नेपाल सुनचाँदी व्यवसायी महासंघका अनुसार बिहीबार छापावाल सुनको भाउ तोलामा ५ सय रुपैयाँले बढेर ९९ हजार रुपैयाँ कायम भएको छ । यसअघि बुधबार सुन तोलाको ९८ हजार ५ सय रुपैयाँमा कारोबार भएको थियो ।
तेजावी सुनको भाउ तोलाको ९८ हजार ५ सय रुपैयाँ निर्धारण भएको छ ।
आज चाँदीको भाउ पनि बढेको छ । बुधबार एक हजार तीन सय ३५ रुपैयाँमा कारोबार भएको चाँदी बिहीबार तोलामा १० रुपैयाँले बढेर आएर एक हजार ३४५ रुपैयाँमा किनबेच भइरहेको महासंघले जनाएको छ ।
