काठमाडौं । नेपाली बजारमा आज पनि सुनचाँदीको मूल्यमा गिरावट आएको छ ।
बुधबार प्रतितोला ९६ हजार २ सय रुपैयाँमा कारोबार भएको छापावाल सुन बिहीबार तोलामा ३ सय रुपैयाँले घटेर ९५ हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
तेजाबी सुन प्रतितोला ९५ हजार ४ सय रुपैयाँमा कारोबार भइरहेको छ।
त्यसैगरी आज चाँदीको मूल्यमा पनि गिरावट आएको छ । महासंघका अनुसार बिहीबार चाँदी प्रतितोलामा १५ रुपैयाँले घटेर ११ सय ९५ रुपैयाँमा कारोबार भइरहेको छ।
