काठमाडौं – बलिउड नायक रणवीर सिंह स्टारर फिल्म ‘धुरन्धर २’ले बक्स अफिसमा सुनामी ल्याएको छ ।
बलिउड इतिहासमै पहिलो पटक एक सय करोडको ओपनिङ गरेको यस फिल्मले भारतीय हलहरूमा दर्शकको चाप बढाएको छ ।
प्रदर्शनको चौथो दिनमा आइपुग्दा यस फिल्मले भारतमा मात्रै ४५२ करोड नेट कलेक्सन गरेको छ । प्रदर्शनको अघिल्लो दिनको पेड प्रिभ्यूको व्यापार जोड्दा उक्त नेट कलेक्सन पुगेको हो ।
प्रिभ्यूमा यस फिल्मले ४३ करोड नेट कलेक्सन गरेको थियो । त्यस्तै, पहिलो दिन १०२, दोस्रो दिन ८०, तेस्रो दिन ११३ र चौथो दिन ११४ करोड नेट कलेक्सन गरेको थियो ।
