काठमाडौं- सरकारले डिजेल तथा पेट्रोल गाडीलाई विद्युतीय गाडीमा परिवर्तन गर्नका लागि आवश्यक कानुनी व्यवस्था मिलाउने निर्णय गरेको छ ।
आइतबार बसेको मन्त्रिपरिषद बैठकले डिजेल तथा पेट्रोल गाडीलाई विद्युतीय गाडीमा परिवर्तन गर्नका लागि आवश्यक कानुनी व्यवस्था मिलाउने निर्णय गरेको सरकारका प्रवक्ता एवम् शिक्षामन्त्री सस्मित पोखरेलले जानकारी दिए ।
पछिल्लो समय पश्चिम एशियामा चर्किएको द्वन्द्वका कारण इन्धनको उपलब्धता असहज भएपछि सरकारले यस्तो निर्णय गरेको हो ।
