काठमाडौं । एसईईको पूरक (ग्रेडवृद्धि) परीक्षा आगामी असारमा हुने भएको छ । राष्ट्रिय परिक्षा बोर्डले सार्बजनिक गरेको सूचनाअनुसार पूरक परीक्षा असार १ गते सोमबारदेखि सञ्चालन हुनेछ । परीक्षा असार ९ गतेसम्म सञ्चालन हुने जनाइएको छ ।
अन्तिम ग्रेड ‘सी’ वा ‘सी’भन्दा कम प्राप्त गरेका विद्यार्थीले पूरक परीक्षा दिन पाउने छन् । बढीमा दुई विषयसम्म अनुपस्थित रहेका परीक्षार्थीले पनि पूरक परीक्षा दिन पाउने बोर्डले जनाएको छ ।
