काठमाडौं। सामसङ नेपालले आफ्नो प्रिमियम स्मार्टफोन ग्यालेक्सी S26+ (Plus) मा सीमित अवधिका लागि विशेष क्यासब्याक अफर सार्वजनिक गरेको छ ।
प्रिमियम र इमर्सिभ स्मार्टफोन अनुभवको खोजीमा रहेका ग्राहकहरूलाई अझ बढी बचत र सहज खरिदको विकल्प प्रदान गर्ने उद्देश्यले कम्पनीले यो अफर ल्याएको हो ।
ग्यालेक्सी S26+ ले सामसङको प्रतिष्ठित प्लस डिजाइनमार्फत उत्कृष्ट प्रदर्शन, आराम र नवीनताको एउटा बलियो सन्तुलन प्रदान गर्दछ । यस सीमित अवधिको विशेष अफर अन्तर्गत ग्राहकहरूले ग्यालेक्सी S26+ को खरिदमा रु २३,००० को इन्स्ट्यान्ट (तत्काल) क्यासब्याक प्राप्त गर्नेछन् ।
यो भारी छुटपछि स्मार्टफोनको विशेष बजार मूल्य रु १,८२,९९९ बाट घटेर अब मात्र रु १,५९,९९९ कायम भएको छ । कम्पनीका अनुसार यो आकर्षक अफर सन् २०२६ मे १९ (अर्थात आज) देखि जुन ३१ सम्म मात्र मान्य हुनेछ ।
ग्राहकहरूको खरिद प्रक्रियालाई थप सरल र सुलभ बनाउन सामसङ नेपालले HFL मार्फत ‘इन्स्टा फाइनान्स’ (Insta Finance) को सुविधा समेत ल्याएको छ । यस अन्तर्गत ग्राहकहरूले २४ महिनासम्मको सजिलो ईएमआई (EMI) सुविधा पाउनेछन्, जसको मासिक किस्ता मात्र रु ४,३४१ बाट सुरु हुन्छ ।
यो इएमआई सुविधा लिनका लागि ग्राहकहरूले आफ्नो प्रमाणीकरण (भेरिफिकेसन) का निम्ति केवल नागरिकताको प्रमाणपत्र देखाए पुग्छ । ग्यालेक्सी S26 सिरिजकै एक प्रमुख मोडलमा उपलब्ध गराइएको यस अफरले उपभोक्ताको बदलिँदो आवश्यकता अनुसार उत्कृष्ट प्रविधि र अनुभव प्रदान गर्न सामसङ सदैव प्रतिबद्ध छ भन्ने स्पष्ट पार्छ ।
