काठमाडौं । सरकारले बाढी प्रभावित चार जिल्लामा नेपाल टेलिकमको फोन र डेटा सेवा निःशुल्क गरेको छ ।
उद्धार, राहत तथा समन्वयका कार्यमा सहजता ल्याउन प्रभावित क्षेत्रमा टेलिकमको सेवा निःशुल्क गरिएको अर्थ मन्त्रालयले जनाएको छ ।
मन्त्रालयका अनुसार राहत, उद्धार तथा खोजी कार्यमा परिचालन हुने निजी हेलिकप्टरलाई अनुमति लिनु नपर्ने व्यवस्था पनि मिलाइएको छ । प्रभावित क्षेत्रमा उद्धार तथा राहत कार्यलाई तीव्रता दिन यस्तो व्यवस्था गरिएको मन्त्रालयले जनाएको छ ।
