काठमाडौं । विद्युतीय दुईपांग्रे सवारी सारथी स्कुटरले काठमाडौंको लैनचौरमा नयाँ शोरुम सञ्चालनमा ल्याएको छ । कम्पनीले असोज १६ गते शुक्रबारदेखि लैनचौरस्थित नयाँ शोरुमबाट आफ्नो सेवा औपचारिक रूपमा सुरु गरेको हो ।
ग्राहकलाई विद्युतीय स्कुटरको खरिद, टेस्ट राइड तथा बिक्रीपछिको सेवामा सहज पहुँच प्रदान गर्ने उद्देश्यले नयाँ शोरुम सञ्चालनमा ल्याइएको कम्पनीले जनाएको छ । लैनचौरको नयाँ शोरुम सञ्चालनमा आएसँगै काठमाडौं उपत्यकामा सारथी स्कुटरकाे शोरुम संख्या ७ पुगेकाे छ।
सारथी स्कुटरले काठमाडौं उपत्यका बाहिरका शहरहरूमा समेत आफ्नो उपस्थिति विस्तार गरिरहेको छ । उपत्यका बाहिर प्रमुख शहर तथा बजारका १३ स्थानमा गरी सारथी स्कुटरका हालसम्म अधिराज्यभरी २० स्थानमा शोरुम सञ्चालनमा रहेका छन्, जसले कम्पनीको देशव्यापी बिक्री तथा ग्राहक सेवा सञ्जाललाई थप मजबुत बनाएको छ ।
कम्पनीसँग अहिले लाइसेन्स नचाहिने ३५० वाट क्षमताको मोटर भएको स्कुटर देखि अधिकतम् ४०० किलोमिटरसम्म रेन्ज भएको विद्युतीय स्कुटर उपलब्ध छ ।
सारथी स्कुटरले विद्युतीय सवारीसाधनको बिक्रीसँगै बिक्रीपछिको सेवा र स्पेयर पार्ट्सको सहज उपलब्धतालाई आफ्नो प्राथमिकतामा राख्दै आएको जनाएको छ । कम्पनीका अनुसार ग्राहकलाई सवारीसाधन खरिदपछि पनि भरपर्दो सेवा उपलब्ध गराउने उद्देश्यले देशका विभिन्न स्थानमा सेवा तथा बिक्री नेटवर्क विस्तार गरिएको कम्पनीका प्रबन्ध निर्देशक दुर्वास नगरकोटीले बताए ।
सारथी स्कुटरले नेपालमा विद्युतीय मोबिलिटीलाई थप सहज, भरपर्दो र दीर्घकालीन विकल्पका रूपमा स्थापित गर्ने लक्ष्यसहित आगामी दिनमा पनि आफ्नो उत्पादन, शोरुम तथा बिक्रीपछिको सेवा सञ्जाल विस्तारलाई निरन्तरता दिने जनाएको छ ।
