काठमाडौं । नेपाली बजारमा आज सुनचाँदीको मूल्यमा सामान्य वृद्धि भएको छ ।
नेपाल सुनचाँदी व्यवसायी महासंघका अनुसार गत शुक्रबार प्रतितोलामा ९७ हजार २ सय रुपैयाँमा कारोबार भइरहेको छापावाल सुनको मूल्य आइतबार तोलामा एक सय रुपैयाँले बढेर ९७ हजार ३ सय रुपैयाँ कायम भएको छ ।
यस्तै तेजावी सुनको भाउ ९६ हजार ८ सय रुपैयाँमा कारोबार भइरहेको छ ।
त्यसैगरी आइतबार चाँदी प्रतितोलामा ५ रुपैयाँले बढेर एक हजार २४५ रुपैयाँमा कारोबार भइरहेको महासंघले जनाएको छ ।
