काठमाडौं । झण्डै नौ महिनापछि अन्तरिक्षमा अड्किएका राष्ट्रिय हवाई यातायात तथा अन्तरिक्ष प्रशासन (नासा)का अनुभवी अन्तरिक्ष यात्री सुनी विलियम्स र बुच विल्मोर पृथ्वीमा फर्किएका छन्।
उनीहरू २८६ दिनको लामो अन्तरिक्ष यात्रा पूरा गरी बुधबार स्पेसएक्स को क्रू-९ ड्र्यागन अन्तरिक्ष यानमा फ्लोरिडाको मेक्सिको खाडीमा अवतरण गरेका हुन् ।
विल्मोर र विलियम्सले गत वर्ष जुनमा कक्षीय प्रयोगशालामा उडान भरेका थिए । यो बोइङको स्टारलाइनरलाई यसको पहिलो चालक दल उडानमा परीक्षण गर्न एक दिन लामो राउन्ड ट्रिप हुने थियो । तर अन्तरिक्ष यानमा प्रोपल्सन समस्या देखा पर्यो र उनीहरूलाई फिर्ता उडाउन अयोग्य मानिएपछि, खाली फिर्ता पठाइयो ।
पूर्व नौसेना पाइलटहरू विल्मोर (६२) र विलियम्स (५९) लाई नासा–स्पेसएक्स क्रू–९ मिसनमा पुनः नियुक्त गरियो । जसमा गत सेप्टेम्बरमा ड्र्यागन अन्तरिक्ष यानलाई सामान्य चारको सट्टा दुईको टोलीसँग आइएसएसमा उडान गरेको थियो । त्यसपछि क्रू–१० भनिने राहत टोली स्टेसनमा जोडिएकाे थियाे र उनीहरु सकुशल पृथ्वीमा फर्किन सफल रहे ।
