काठमाडौ । साताको अन्तिम कारोबार दिन विहीबार सेयरबजारमा चमक आएको छ । आज नेप्से २७.१९ अंकले बढेर २ हजार ७०८.७० विन्दुमा कायम भएको हो । आज सेयरबजारमा ३२६ कम्पनीका सेयर कारोबार भएको छ ।
यी मध्ये २०१ कम्पनीका सेयरमूल्य बढेका छन् भने ५५ कम्पनीका सेयरमूलयमा गिरावट आएको छ । आज कुल ३ करोड ५५ लाख ७४ हजार ६२७ कित्ताा सेयर ११ अर्ब ५८ करोड २८ लाख ९४ हजार रुपैयाँमा किनबेच भएको छ ।
कारोबार रकम बुधबारको तुलनामा ५४ प्रतिशतले बढी हो । बुधबार ७ अर्ब ४९ करोड ९७ लाख ४२ हजार रुपैयाँ बराबरका सेयर किनबेच भएको थियो । आज सेयरबजारमा सूचीकृत समूहगत परिसूचकमध्ये व्यापार समूहको परिसूचक बाहेक सबै समूहका परिसूचक सकारात्मक रहेका छन् ।
सबैभन्दा धेरै निर्जीवन बीमा तथा अन्य समूहका परिसूचक समान १.९८ प्रतिशतले बढेको छ । कालिञ्चोक दर्शन लिमिटेड, सुपर माइृ हाइड्रोपावर लिमिटेड तथा मोदी इनर्जी लिमिटेडका सेयरधनीले सबैभन्दा बढी कमाउका छन् । सबैभन्दा बढी गुमाउनेमा भने सुपर मादी हाइड्रोपावर, मेगा म्युचुअल फण्डका लगानीकर्ता तथा मायाँखोला हाइड्रोपावर कम्पनीका सेयरधनी रहेका छन् ।
