काठमाडौं। काठमाडौं उपत्यकामा ट्राफिक नियम उल्लङ्घन गर्ने १९६ जना सवारीसाधनका चालकलाई पछिल्लो २४ घण्टामा ट्राफिक प्रहरीले कारबाही गरेको छ।
काठमाडौं उपत्यकाका विभिन्न स्थानमा शुक्रबार बिहानसम्म सञ्चालन गरिएको विशेष जाँचका क्रममा उनीहरू कारबाहीमा परेका हुन्।
कारबाहीमा पर्नेहरूमा मादक पदार्थ सेवन (मापसे) गरी सवारी चलाउने ४ जना, सीसीटीभीमार्फत पहिचान भएका ९ जना र रातोबत्तीको नियम उल्लंघन गर्ने ९ जना चालक रहेका छन्।
यसैगरी, लेन अनुशासन पालना नगर्ने (लेन क्रस) ६ जना, एकतर्फी (वान-वे) सडकमा सवारी चलाउने ३ जना र अन्य विभिन्न ट्राफिक नियम उल्लंघन गर्ने १७६ जना चालकलाई कारबाही गरिएको काठमाडौं उपत्यका ट्राफिक प्रहरी कार्यालयले जनाएको छ।
