काठमाडौं । प्रविधिले विश्वको दुरीलाई निकै कम गरेको छ ।
यसै भनिएको होइन, निकट भविष्यमा आँखा झिम्काएर संसारको जुनसुकै कुनासम्म पुग्न सकिनेछ । अहिले पत्याउन नसकिने तर चिनियाँ कम्पनीले एउटा विमानको प्रोटोटाइपको सफल परीक्षण गरेको छ, जसमार्फत बेइजिङ बाट डेढ घण्टामा न्यूयोर्क पुग्न सकिन्छ ।
साउथ चाइना मर्निङ पोस्टका अनुसार परीक्षणका क्रममा विमानले ६५,६०० फिटभन्दा बढी उचाइमा मच चार वा ३,०४५ माइल प्रतिघण्टा, ध्वनिको गतिभन्दा चार गुणाको गतिमा उडेको थियो। यो गति नासाको ‘सन अफ कन्कार्ड’ भन्दा तीन गुणा र रिटायर कन्कार्ड विमानभन्दा दुई गुणा बढी छ । यो विमानले प्रतिघण्टा तय गरेको दुरी ३ हजार ४५ माइल अर्थात ४९०० किलोमिटर छ ।
बेइजिङ देखि न्यूयोर्क को दूरी लगभग १० हजार ९८२ किलोमिटर छ। यसरी यो विमानबाट बेईजिङबाट करिब साढे दुई घण्टामा न्यूयोर्क पुग्न सकिन्छ। स्पेस ट्रान्सपोर्टेसनले विज्ञप्तिमा भनेको छ, ‘यस विमानको इन्जिन अन्तरिक्षयान जस्तो वातावरणमा उच्च गतिमा उडान गर्न सक्षम छ।’
कम्पनीले सन् २०२७ सम्ममा पहिलो उडानका लागि विमान तयार गर्ने लक्ष्य राखेको छ । पहिलो व्यावसायिक उडान सन् २०३० सम्म सुरु गर्न सकिनेछ ।
उक्त विमानको नाम ‘जिन्दाउ ४००’ राखिएको छ । चीनको आधिकारिक पत्रिका ग्लोबल टाइम्सको रिपोर्ट अनुसार गत मंगलबार यो विमानको उडान परीक्षण गरिएको थियो। विमानमा ‘रामजेट’ इन्जिन छ, जसले हावाबाट अक्सिजन लिन्छ र इन्धनको रूपमा प्रयोग गर्छ।
जसका कारण विमानले इन्धन बोक्नुपर्ने अवस्था छैन । माच फोरको गतिमा यात्रा गर्दा अत्यधिक गर्मी सहन सक्ने गरी डिजाइन गरिएको यो विमान हल्का तौलको बलियो सामग्रीबाट बनाइने छ। सामान्य विमानहरू तेर्सो अवतरण गर्छन् तर परम्परागत विमानको विपरीत यो ठाडो रूपमा टेक अफ र अवतरण हुनेछ, जसले गर्दा यो साँघुरो ठाउँहरूमा पनि अवतरण गर्न सक्षम हुनेछ।
यसको मतलब यो हो कि यसले एयरपोर्टहरूमा परम्परागत रनवेहरू प्रयोग गर्नु पर्दैन, बरु सम्भावित रूपमा साना, शहरी एयरपोर्टहरूबाट सञ्चालन गर्न सकिनेछ ।
