एजेन्सी । अमेरिकाको लस एन्जलस वरपर लागेको आगलागीका कारण अमेरिकी राज्य क्यालिफोर्नियामा लगभग १०,००० घरहरू जलेर नष्ट भएका छन्। ४ दिनदेखि बलिरहेको आगो लगभग ४० हजार एकडमा फैलिएको छ। यसमध्ये २९ हजार एकड जमिन पूर्ण रूपमा जलेको छ। आगलागीका कारण करिब १० हजार भवनहरू ध्वस्त भएका छन्। यसबाहेक करिब ३० हजार घरमा क्षति पुगेको छ।
आगलागीमा परी मृत्यु हुनेको संख्या शुक्रबार ७ पुगेको छ। यो लस एन्जलस र वरपरका क्षेत्रहरूमा लागेको अहिलेसम्मकै ठूलो आगलागी हो। लस एन्जलस काउन्टी शेरिफ (जिल्लाका प्रमुख कार्यकारी अधिकृत) रोबर्ट लुनाले आगलागीबाट भएको विनाशलाई आणविक बम विस्फोटसँग तुलना गरे।
करिब ५० हजार मानिसहरूलाई तुरुन्तै आफ्नो घर खाली गर्न भनिएको छ। करिब ३ लाख मानिसहरूलाई सुरक्षित स्थानमा जान निर्देशन दिइएको छ। प्रशासनले शहरमा आपतकाल घोषणा गरेको छ र शनिबारसम्म यो फैलिन सक्ने चेतावनी दिएको छ।
