काठमाडौं । काठमाडौंको थापाथली क्षेत्रमा खानेपानीको पाइप लाइन फुटेको छ । मंगलबार बिहान मेलम्ची खानेपानी आयोजनाको पाइपलाइन फुटेको हो ।
पाइपलाइन फुट्नुको कारण भने खुलिसकेको छैन । सडकसमेत अवरुद्ध भएको छ ।
थापाथली चोकबाट नर्भिक अस्पताल जाने बाटोमा लाइन फुटेको र त्यससँगै सडक भत्किएको काठमाडौं उपत्यका खानेपानी लिमिटेडले जनाएको छ । यस्तै सो क्षेत्रका केही पसलहरुमा पानी समेत पसेको छ । तीन साताअघि मात्रै बबरमहल क्षेत्रमा खानेपानीको पाइप फुड्दा त्यस क्षेत्र जलमग्न बनेको थियो ।
