काठमाडौँ । अमेरिकी राष्ट्रपति डोनाल्ड ट्रम्पले भियतनामसँग नयाँ व्यापार सम्झौताको घोषणा गरेका छन् ।
यस सम्झौता अन्तर्गत, अमेरिकाले भियतनामबाट आयात हुने सामानमा २० प्रतिशत कर लगाउनेछ । ट्रम्पले सम्झौता बारे जानकारी दिदै भनेका छन्- 'भियतनामले अमेरिकी सामानमा कुनै पनि शुल्क लगाउने छैन ।'
यसअघि, अमेरिकाले भियतनामबाट आयात हुने सामानमा ४६ प्रतिशत कर लगाएको थियो । यो जुलाईको दोस्रो हप्तामा लागू हुने भनिएको थियो ।
हाल, युरोपेली संघ र जापान लगायत दर्जनौं देशहरूले अमेरिकी कर लागू हुनुअघि अमेरिकासँग व्यापार सम्झौता गर्न खोजिरहेका छन् ।
