काठमाडौँ । नेपाल टेलिकमले आफ्नो स्थापना भएको २२ वर्ष पूरा गरी २३औँ वर्षमा प्रवेश गरेको अवसरमा ग्राहकका लागि विशेष वार्षिकोत्सव अफर सार्वजनिक गरेको छ। टेलिकमका अनुसार उक्त अफर माघ २२ गतेदेखि माघ २८ गतेसम्म मात्र लागू हुनेछ।
वार्षिकोत्सवको अवसरमा ल्याइएको अफरअन्तर्गत ग्राहकले न्यून शुल्कमा डाटा तथा भ्वाइस सेवाको लाभ लिन सक्नेछन्। टेलिकमले तीन प्रकारका विशेष प्याकेज उपलब्ध गराएको जनाएको छ।
अफरअनुसार ‘दुई-दुई दैनिक प्याक’ अन्तर्गत मात्र २२ रुपैयाँमा १ दिनका लागि २ जीबी डाटा उपलब्ध हुनेछ। यस्तै, ‘दुई–दुई दोहोरो प्याक’ अन्तर्गत २२२ रुपैयाँमा २२ दिनका लागि २२ जीबी डाटा प्रदान गरिनेछ। त्यसैगरी ‘उत्सव संयोजन प्याक’ अन्तर्गत २२२ रुपैयाँमा २२२ मिनेट सबै सञ्जालमा भ्वाइस सेवा, ४ जीबी डाटा र २२२ सबै सञ्जालमा सन्देश सुविधा उपलब्ध हुनेछ।
यी अफर सुचारु गर्न ग्राहकले आफ्नो मोबाइलबाट *१४१५# डायल गर्न सक्नेछन्। साथै, नेपाल टेलिकमको आधिकारिक अनुप्रयोग प्रयोग गरेर पनि उक्त प्याकेज सक्रिय गर्न सकिने टेलिकमले जनाएको छ।
