काठमाडौँ । उदयपुरको उदयपुरगढी गाउँपालिका–७, अधेरी जोगी टोलमा सोमबार दिउँसो बस दुर्घटना भएको छ।
कटारीबाट गाईघाटतर्फ जाँदै गरेको बा २ ख ६२५७ नं. ओखलढुङ्गे बस सडकमा ब्रेक फेल भएर करिब ३०–४० फिट तल खसेको हो।
दुर्घटनामा परी करिब एक दर्जन यात्रु घाइते भएका छन्। प्रहरी घटनास्थलमा पुगेको र थप विवरण संकलन भइरहेको जनाएको छ।
आज मात्रै पोखराबाट काठमाडौं आउँदै गरेको नाईटबस मध्यराति त्रिशुलीमा दुर्घटनामा पर्दा १९ जनाको निधन भएको थियो ।
