काठमाडौँ – संघीय संसद् अन्तर्गत प्रतिनिधि सभाको अर्थ समितिको बैठकमा आज अर्थमन्त्री डा. स्वर्णिम वाग्ले सहभागी हुँदै छन् ।
बैठक बिहान ११ बजे सिंहदरबारस्थित भवन नम्बर १ को तेस्रो तल्लामा रहेको अर्थ समितिको हलमा बस्ने तय भएको छ।
आजको बैठकमा अर्थमन्त्रीले मुलुकको पछिल्लो आर्थिक अवस्था, बजेट कार्यान्वयनको प्रगति र समितिमा विचाराधीन रहेका आर्थिक विधेयकका सम्बन्धमा सांसदले उठाएका प्रश्नको जवाफ दिने कार्यक्रम रहेको छ। अर्थमन्त्री नियुक्त भएपछि उनले संसदीय समितिसँग समन्वय बढाउन र नीतिगत सुधारका विषयमा छलफल गर्न सक्रियता देखाएका छन्।
