काठमाडाैं। प्रभु बैंक लिमिटेड गण्डकी बिजनेस सेन्टरको समन्वय तथा पालुङटार शाखाको विशेष पहलमा संस्थागत सामाजिक उत्तरदायित्व कार्यक्रमअन्तर्गत गोरखाको श्री अन्नपूर्ण माध्यमिक विद्यालयलाई एक थान आधुनिक स्मार्ट बोर्ड हस्तान्तरण गरिएको छ।
विद्यालय तहदेखि नै शिक्षामा आधुनिक प्रविधिको पहुँच विस्तार गर्दै विद्यार्थीहरूलाई समयसापेक्ष, डिजिटल तथा गुणस्तरीय शिक्षासँग जोड्ने पवित्र उद्देश्यका साथ बैंकले उक्त स्मार्ट बोर्ड प्रदान गरेको हो।
यस प्रविधिमैत्री सहयोगबाट विद्यालयमा परम्परागत शिक्षण सिकाइको विकल्पमा डिजिटल शिक्षण प्रक्रिया सुरु हुने र कक्षाकोठा थप प्रभावकारी, अन्तरक्रियात्मक एवं प्रविधिमैत्री बन्ने बलियो अपेक्षा गरिएको छ।
हाल समग्र विश्व नै तीव्र गतिमा डिजिटल रूपान्तरणतर्फ अघि बढिरहेको वर्तमान अवस्थालाई मध्यनजर गर्दै विद्यार्थीहरूलाई सानै उमेरदेखि आधुनिक प्रविधिसँग परिचित गराउनु अपरिहार्य भइसकेको छ।
यसै कुरालाई आत्मसात गर्दै विद्यार्थीहरूलाई भविष्यका लागि सक्षम, दक्ष र प्रतिस्पर्धी नागरिकका रूपमा तयार पार्न यस्ता डिजिटल शैक्षिक कार्यक्रमहरूले महत्वपूर्ण योगदान पुर्याउने विश्वास बैंक प्रशासनले व्यक्त गरेको छ।
प्रभु बैंकले देशका विभिन्न क्षेत्रमा शिक्षा, नवप्रवर्तन तथा सामुदायिक विकासलाई विशेष प्राथमिकतामा राख्दै सामाजिक उत्तरदायित्वका थुप्रै जनमुखी कार्यक्रमहरू निरन्तर रूपमा सञ्चालन गर्दै आएको छ।
विद्यालयमा गरिएको यस स्मार्ट बोर्ड हस्तान्तरण कार्यक्रमले ग्रामीण क्षेत्रमा गुणस्तरीय शिक्षाको प्रवर्द्धन गर्न तथा सरकारी र निजी विद्यालयबीच रहेको डिजिटल विभाजनलाई न्यूनीकरण गर्न समेत ठूलो सहयोग पुग्ने विश्वास लिइएको छ।
उक्त आधुनिक उपकरण हस्तान्तरण कार्यक्रममा विद्यालय व्यवस्थापन समितिका पदाधिकारीहरू, शिक्षक, आम विद्यार्थी तथा स्थानीय सरोकारवालाहरूको उत्साहजनक सहभागिता रहेको थियो।
कार्यक्रमका सहभागीहरूले बैंकको यस उदाहरणीय सामाजिक कार्यको उच्च प्रशंसा गर्दै यसबाट ग्रामीण क्षेत्रका विपन्न तथा जेहेन्दार विद्यार्थीहरूको शैक्षिक एवं बौद्धिक विकासमा दूरगामी र महत्वपूर्ण योगदान पुग्ने धारणा व्यक्त गरेका थिए।
आफ्नो व्यावसायिक सफलतासँगै सामाजिक सेवालाई पनि सँगसँगै लैजाने नीति अनुरूप प्रभु बैंकले आगामी दिनहरूमा पनि देशका विभिन्न स्थानहरूमा शिक्षा, स्वास्थ्य तथा सामुदायिक विकासका क्षेत्रमा यस्ता जनउपयोगी सामाजिक उत्तरदायित्वका कार्यक्रमहरूलाई थप प्रभावकारी रूपमा निरन्तरता दिँदै जाने प्रतिबद्धता जनाएको छ।
