काठमाडौँ । होटल पार्क ल्यान्डले आफ्ना सेयरधनीहरुलाई शतप्रतिशत हकप्रद सेयर जारी गर्ने भएको छ । होटलले यही भदौ १५ गतेबाट हकप्रद सेयर बिक्री खुला गर्ने भएको हो ।होटलले हाल कायम सेयरधनीहरुका लागि चुक्तापुँजीको १ः१ अनुपातमा अर्थात १०० प्रतिशत हकप्रद सेयर बिक्री खुला गर्ने भएको हो । जसअनुसार होटलले १०० रुपैयाँ अंकित दरका कुल ६० लाख कित्ता सेयर बिक्री गर्नेछ।
यो हकप्रद सेयरमा आउँदो असोज ५ गतेसम्म आवेदन दिन सकिनेछ । सेयरधनीहरुले चितवनको रत्ननगर नगरपालिका–६ स्थित होटलको रजिस्टर्ड कार्यालय, काठमाडौंको सुन्धारास्थित सीटीसी मलमा रहेको कर्पोरेट कार्यालय र ललितपुरको पाटनस्थित प्रयागपोखरीमा रहेको गणेश सहकारी भवनमा गएर आवेदन दिन सक्नेछन्।
