काठमाडौं । नेपाली हवाइ क्षेत्रमा अग्रस्थानमा रहेको यती एयरलाइनसको मोबाइल एप एन्ड्रोइडमा १ लाख बढी पटक डाउनलोड भएको छ ।
यती एयरलाइन्सले काठमाडौंबाट भद्रपुर, चन्द्रगढी, विराटनगर, जनकपुर, सिमरा, पोखरा, भैरहवा, नेपालगञ्ज लगायतका विमानस्थल र पर्वतीय उडानहरुमा आफ्नो सेवा दिँदै आएको छ । एक वर्षको अवधिमा यती एयरलाइन्सले करिब ११ लाख यात्रुलाई यात्रुसेवा प्रदान गरेको छ ।
निजी हवाई सेवा प्रदायक संस्था यती एयरलाइन्सले यात्रुहरुको चापलाई मध्यनजर गर्दै हालै मात्रै एक विमान समेत थप गरेको छ । थप गरेको छैटौं एटीआर ७२–५०० विमानले गत असोज १४ गते शुक्रबारदेखि व्यवसायिक उडान सुरु गरेको थियो ।
सन् १९९८ बाट नेपालमा उडान सेवा प्रदान गर्दै आएको एयरलाइन्स नेपालको दोस्रो ठूलो आन्तरिक उडान भर्ने एयरलाइन्स रहेको छ । कम्पनीको प्रबन्ध निर्देशक चन्दा शेर्पा रहेकी छिन् ।
