काठमाडौँ । नेपाली बजारमा आज सुनचाँदीको भाउ घटेको छ ।
नेपाल सुनचाँदी व्यवसायी महासंघका अनुसार बिहिबार प्रतितोला ९८ हजार ६ सय रुपैयाँमा कारोबार भइरहेको छापावाल सुनको भाउ तोलामा ६ सय रुपैयाँले घटेर शुक्रबार ९८ हजार रुपैयाँ कायम भएको छ । तेजावी सुनको भाउ तोलाको ९७ हजार ५ सय रुपैयाँ निर्धारण भएको छ ।
त्यस्तै, आज चाँदीको भाउ पनि घटेको छ । बिहिबार तोलामा एक हजार ३०५ रुपैयाँमा कारोबार भएको चाँदी शुक्रबार २५ रुपैयाँले घटेर १ हजार २८० रुपैयाँ कायम भएको महासंघले जनाएको छ ।
