काठमाडौं । नेपाली बजारमा आज सुनको मूल्य घटेको छ । नेपाल सुनचाँदी व्यवसायी महासंघका अनुसार बिहिबार प्रतितोला ९८ हजार रुपैयाँमा कारोबार भैएको छापावाल सुनको भाउ शुक्रबार ३ सय रुपैयाँले घटेर ९७ हजार ७ सय रुपैयाँ कायम भएको हो ।
तेजाबी सुनको मूल्य भने प्रतितोला ९७ हजार २ सय रुपैयाँ निर्धारण गरिएको छ ।
त्यस्तै, आज चाँदीको मुल्य पनि घटेको छ । बिहिबार प्रतितोला एक हजार २८० रुपैयाँ कायम भएको चाँदी शुक्रबार १५ रुपैयाँले घटेर एक हजार २६५ रुपैयाँमा किनबेच भइरहेको महासंघले जनाएको छ ।
