काठमाडौं । नेपाल टेलिकमको डाटा सेन्टर निर्माणको जिम्मा चिनियाँ बहुराष्ट्रिय कम्पनी हुवावेले पाएको छ। नेपाल टेलिकमले अगस्ट २२ मा आब्हान गरेको टेन्डर हुवावले हात पारेको हो।
नेपाल टेलिकमको डाटा सेन्टरको पूर्वधार निर्माण र जडानको काम हुवावे टेक्नोलोजिस् को. लिमिटेडले पाएको छ। नेपाल टेलिकमले स–साना डाटा सेन्टर प्रयोग गरिरहेकोमा अब २ ठूला डाटा सेन्टर बनाउन लागेको टेलिकमले जनाएको छ।
‘अहिले स–साना धेरै डाटा सेन्टर प्रयोग गरिरहेका छौं,’ नेपाल दूरसञ्चार कम्पनी लिमिटेडका प्रवक्ता हरि ढकालले भने,‘अब काठमाडौं र पोखरामा ठुला डेटा सेन्टर बन्छन्।’
उनले हुवावेसंग ५-६ वर्षकोलाागि सम्झौता भएको बताए। पूर्वधार निर्माणसंगै बाह्य व्यवस्थापन हुवावेले सहयोग गर्ने छ। नेपाल टेलिकमले ७ लाख ६७ हजार अमेरिकी डलरमा बुझाउने छ भने ३७ करोड ८१ लाख नेपाली रुपैयाँमा बुझाउने छ।हुवावेले डाटा सेन्टर निर्माणकालािग साढे ४८ करोड नेपाली रुपैयाँ बराबरको ठेक्का हात पारहेको हो।
