काठमाडौं । नेपाल एयरलाइन्सको ट्विनअटर जहाजमा समस्या देखिएको छ । काठमाडौंबाट भोजपुर जाँदै गरेको एउटा जहाजको ककपिटको दाहिनेतिरको ढोकामा केही समस्या देखिएपछि बीचबाटै काठमाडौं फिर्ता गरिएको हो ।
आज बिहान ६ बजेर ३३ मिनेटमा काठमाडौंबाट उडेको जहाज ६ माइल टाढा पुगेपछि समस्या देखिएको थियो । १६ जना यात्रु लिएर उडेको जहाज केहीसमयमै काठमाडौंमै अवतरण गराइएको थियो ।
नाइन एन एबीटी कल साइन रहेको जहाजको चेकजाँचपछि फेरि भोजपुर उडाउने तयारी छ ।
