काठमाडौं । काठमाडौं महानगरपालिकाले ब्यक्तिगत जग्गामा जबरदस्ती डोजर लगाई दिएको छ ।
वडा नं. ८ को गुहेश्वरी स्थित साविक कित्ता नंं. १९६ र १९७ भित्र पर्ने जग्गामा जग्गा धनीले लगाएको तारबारलाई महानगरले डोजर लगाएर भत्काई दिएको हो ।
उक्त जग्गाको धनी विद्यापती उपाध्याय हुन । उपाध्याय मोही रहेको उक्त जग्गाको भोक चलन साविकमा पिता विद्यापती उपाध्याय र पछी उनका छोरा राम प्रसाद उपाध्यायले गर्दै आएका थिए ।
उपाध्यायको हक लाक्ने उक्त जग्गा उनको नाममा दर्ता नगरी सरकारले आफ्नै नाममा दर्ता गरेको थियो । यस कार्यको विरुद्धमा उपाध्याय अदालत गएका थिए ।
उपाध्यायले २०६२ सालमा सर्वोच्च अदालतमा रिट दर्ता गरेका थिए । रिट नं. २६३४ रहेको मुद्दा २०६३ असार १३ गते फैसला भएको छ । न्यायाधीसहरु राजेन्द्र कुमार भण्डारी र गौरी ढकालको संयुक्त इजलासले रिट निवेदक उपाध्यायको पक्षमा आदेश गरेको छ ।
यसरी उपाध्यायको हक कायम हुने भनी सर्वोच्च अदालतले फैसला गरेकोको उक्त जग्गामा उपाध्यायले लगाएको तारबारलाई काठमाडौं महानगरपालिकाले भत्काई दिएको छ । यसमा उपाध्यायको कानुनी वारिश कृष्ण प्रसाद जती महानगरले ज्यादती गरेको बताउँछन ।
यस बारेमा महानगरपालिकाको प्रतिक्रिया लिन ८ नम्बर वडाको सचिव सत्यदेव पण्डितलाई सम्पर्क गर्दा सुरुमा उनले यस बारेमा आफुलाई केही थाहा नभएको बताए । तर पछि उक्त जग्गाको तारबार महानगरको केन्द्रबाटै आएको टोलीले हटाएको र आफु हेर्न मात्र गएको बताए । साथै उनले यस बारेमा थप बुझ्न वडा अध्यक्षलाई सम्पर्क गर्न भने ।
