काठमाडौं । स्वास्थ्य बीमा बोर्डले करार सेवामा कर्मचारी माग गरेको छ । बोर्डले आज भदाै ३० गते एक सुचना जारी गर्दै विभिन्न तहमा २७ जना कर्मचारीहरु माग गरेको हो ।
बोर्डले विभिन्न तह तथा श्रेणीमा हेल्थ इकोनोमिक्स, मेडिकल अधिकृत, आइटी डेभलपर, चार्टर एकाउन्टेन्ट, नर्सिङ अधिकृत, फार्मेसी अधिकृत, ल्याब टेक्नोलोविस्ट, जनस्वास्थ्य अधिकृत, स्वास्थ्य शिक्षा अधिकृत, एकच्यूरियन अधिकृत र सूचना प्रविधि सहायक माग गरेको हो ।
इच्छुक तथा योग्य उम्मेदवारले सूचना प्रकाशित भएको ७ दिनभित्र शैक्षिक याेग्यता तथा अनुभवका प्रमाण पत्र सहित आवेदन दिनु पर्नेछ ।
बोर्डले जनशक्ति अभावका कारण अपेक्षा गरेअनुसारको काम गर्न नसकिएको बताउदै आएको छ । कर्मचारी नियुक्त गरेसँगै बोर्डले दाबी भुक्तानी लगाएको कामलाई तिव्रता दिनेछ ।
