टेस्लाको सेयर भाउमा गत मे २४ यता ३५% वृद्धि भइसकेको छ । सर्ट सेलिङमा ट्रेडरहरुले कुनै कम्पनीको सेयर भाउमा भविष्यमा गिरावट आउँदैछ भन्ने अनुमान गरी आफूसँग नभएको सेयर सापटी लिएर पहिला बिक्री गर्ने र घटेपछि सस्तो मूल्यमा खरिद गरी फिर्ता गर्ने रणनीति अपनाएका हुन्छन् । यद्दपि, टेस्लाको सेयर भाउमा ११ दिनसम्म गिरावट नआएपछि सर्ट सेलरहरु नोक्सानमा गएका हुन् ।

 

एस थ्री पार्टनर्सका अनुसार टेस्लाको करिब २२.४३ अर्ब डलर बराबरको सेयर सर्ट सेलिङ भएको छ । जुन हालसम्मकै सबैभन्दा ठूलो हो । टेस्लाको सेयर भाउमा निरन्तर वृद्धि भएपनि सर्ट सेलिङको क्रम जारी नै रहेको एस थ्रीले जनाएको छ । सर्ट सेलरहरु टेस्लाको बढ्दो मूल्यलाई ‘सपोर्ट’ नमिल्ने र अन्ततः सेयर भाउ घट्नेमा आशावादी देखिएका छन् । शुक्रबार पनि टेस्ला ४.०६% ले बढेर २४४.४० डलरमा पुगेको छ ।